[][] قصيدة لشخص يوصي صديقه على حبيبته قبل لا يموت [][]

وصاتي لك من بعدي تموت فيها على شاني

أبيها تعيش و تحيابك و أظل بالذاكرة مفقود

وصاتي لك تنسيها ملامح وجهي و تنساني

و تعزف لها قصيدة حب عكس اللي عزفته بعود

وصاتي لك تسايرها ترى فيها من أحزاني

طلبتك لا يضيق بالك طلبتك و الطلب مردود

وصاتي لك تناديها عمري .. حياتي .. و أزماني

أنا عودتها دايم أدلعها و أنا موجود

وصاتي لك تعاملها بطيبة قلب و أحساني

تراها تذرف الدمعة و دمعتها بدون حدود

وصاتي لك تحفظها سور و آيات و قرآني

و تخبرها عن الميت رحل لا يمكن إنه يعود

وصاتي لك ترسمها على قبري و أكفاني

أبيها لوحة تبقى على طول الزمن محدود

وصاتي لك تمازحها وتشوف الضحكة على أسناني

سعيتك يا ضحكة الكون طلبتك لا تكون جلمود

وصاتي لك تقهويها من دلالي وفنجاني

تراها تعشق السمرا و يكفيها دخون العود

وصاتي لك تركبها على خيلي و على حصاني

وربي فارسة من قلب شهادة ماهي شهادة شهود

وصاتي لك تسفرها بلاد الشام و لبناني

ترى يحلالها تقطف وردة من بلاد الورود

وصاتي لك ترقصها على ألحان رحباني

ترى فيها من عرق الخالة و فيها من جنون السود

وصاتي لك تحببها في أبو نورة من بعد هاني

و تنسيها ندم غلطة أنا فيها ترى مقصود

وصاتي لك تكرهها في تاريخي و عنواني

أبيها تلعن اللحظة و تلعن كل فرح موعود

وصاتي لك تكلمها عن المجني و عن الجاني

و تخليني أنا الظالم و أنا من حرق الخدود

وصاتي لك تشبنهي بدم أحمر قاني

وأنا هالقاتل السفاح مجرم من عصر نمرود

وصاتي لك تحلفها تتوب تحبني ثاني

ترى يكفيها ماعانت و يكفي حيلها مهدود

وصاتي لك تنسيها قصيدة قالها لساني

أنا أخبرك رجل موقف و أنت قدها وقدود

صديقي ما لقيت غيإعجابي رك يعرف وشلون تنساني

أمانة ضمها بقلبك .. ترى حبيبك .. رحل ما يعود

.........

إن شاء الله تنال على أعجابكم .. مثل ما نالت على اعجابي